Xincana solidaría e celebración final proxecto ApS Betanzos Change the Planet

junio 25, 2026

O pasado mércores 17 o alumnado do Proxecto de Aprendizaxe e Servizo (ApS) “Betanzos Change the Planet” dos grupos de 3º A e Proxecto Competencial e 4 A, organizaron unha xincana solidaria cos seguintes obxectivos en liña co que supón un proxecto de aprendizaxe e servizo:

Aprender a organizar unha actividade lúdica
Dar un servizo á comunidade educativa ofrecendo ao alumnado de 1º e 2º de ESO unha actividade de lecer na última semana de curso
Organizar unha actividade solidaria acorde cos Obxectivos de desenvolvemento sostible (ODS) 2030, concretamente o 1: Erradicación da pobreza e 2: Loita contra a fame. Para o cal durante a actividade se solicitou a participantes, organizadores e comunidade educativa a doazón de alimentos e produtos de hixiene que foron posteriormente doados a Cáritas e Cruz Vermella Betanzos respectivamente.


Alumnado de 3º A xunto á mesa cos alimentos e produtos de hixiene recollidos	Entrega dos produtos de hixiene a voluntarios da Cruz Vermella de Betanzos	Carteis realizados para a xincana solidaria

Na xincana o alumnado tiña 50 minutos para realizar en grupos de 4 – 6 o maior número de probas repartidas polo patio do instituto, as cales as tiñan marcadas nun mapa. Nas probas mesturábanse preguntas de cultura xeral sobre reciclaxe, sostibilidade con probas de habilidade e incluso coa colaboración do Departamento de música probas de habilidade musical. O resultado ao final das sesións foi o seguinte:

1º ESO: Los choripanes (10 puntos); Agua de mipáncreas (8 puntos); Los salchichas (7 puntos); Los titanes (7 puntos); Mayoristas no limpiamos pescado (7 puntos); Bluetooth (6 puntos); Las six seven (6 puntos); Las croquetas de salmón (6 puntos); La cuchipandi (5 puntos); Los Queques (3 puntos)
2º ESO: Delfines (9 puntos); Las marujitas (9 puntos); Torpedos (8 puntos); Los Traviesos (7 puntos); Equipo siete (5 puntos); Los Guachiturros (5 puntos)

Algúns momentos da celebración da xincana

Agradecer ademais a Gadis a súa colaboración no evento achegando o avituallamento para os participanes.


Alumnado de 1º e 2º de ESO antes de empezar a actividade

Trala xincana o alumnado participante no Aps Betanzos Change the Planet puxo fin ao curso coa celebración no patio do instituto dunha romaría, quedándonos a comer nos xardíns para posteriormente pasar a tarde realizando distintos xogos acompañados de música e bailes tradicionais.